L’expedicion Malaspina es una expedicion scientifica maritma que se debanèt en 1789-1794 sota lo comandament d'Alessandro Malaspina e de José de Bustamante y Guerra[1]. Finançada per lo govèrn espanhòu, l'expedicion èra una mission scientifica mai deviá tanben imitar lei viatges prestigiós de James Cook e de La Peirosa. De quantitats considerablas d'informacions foguèron collectadas. Pasmens, de retorn en Espanha en 1795, Alessandro Malaspina foguèt arrestat per sa participacion a un complòt destinat a reversar lo govèrn espanhòu. Lei resultats de l'expedicion foguèron donc pas publicats avans la fin dau sègle XIX franc de l'edicion d'un pichon atlàs de 34 paginas.
© MMXXIII Rich X Search. We shall prevail. All rights reserved. Rich X Search